ليتنى استطيع نسيان الماضى

ليتني أستطيع نسيان الماضي
ليتني أستطيع رميه خلف ظهري
ففتيل الماضي مازال يحرق آمالي
ونور الأمل يتلاشى أمامي
تمنيت أن أستل سيفي لأقتل همي
ولكن الهم قتل جسدي قبل أن أتمنى
.
.
.
.
ليت الماضي شريط نستطيع إتلافه
أو نستطيع مسحه
الماضي سرطان يسري في جسدي
ولايمكن إيقافه
//سوى ببتر جسدي//
أرحل من جزيرةإلى جزيرة
ألاطم امواج البحار
لأصل إلى الأمل

لا أمل
ولا فكاك من الماضي ..
أغبط أولئك الأطفال الذين يبكون لأجل حلوى
أو يبكون لأجل لعبة
أتمنى أن أكون مثلهم
..

شريط الماضي يدور على مدار الساعة
ليته يتوقف
ليته يأتي بالجميل
/
//
///
////
أكابر جراحي وأبتسم
رغم الألم
رغم المآسي التي تسكن قلبي
أظل أحرق نفسي
فياليتني أستطيع إحراقها
/////
يصعب التنفس والأجواء تضيق بي
أريد أن أتنفس هواء بكل راحة
ولكنني اختنق والهواء لا أستطيع الوصول إليه

ليته يستطيع الإقتراب ليساعدني ولكنه يبتعد ..

ليتني أستطيع

القصيده حلوة

بس انا ليا سؤال

ليه الانسان ينسي ماضيه؟

حتى لو كان ايه بس اللى مالوش ماضي مالوش حاضر

انت مش فهمت القصيده يا دودى

الماضى المقصود هنا .. يبقى الحبيب الاولانى

لما يبقى الجرح جامد ..وتبقى انت عايز تنسى

اتمنى تكون كدا الرؤيه وضحت بالنسبه ليك

وميرسى على مرورك

و حتى الماضى مش الحبيب الاولانى
كل واحد بتيجى عليه اوقات بيبقى عايز يتبرى من لحظات معينه ف حياته
اكيد انت فاهم يا فادى
وده ف علم النفس اسمه النسيان المتداعى
او النسيان المتعمد
ده بيبقى سواء لموقف محرج او مؤلم حصلك بتتداعى انك نسيته او بتتعمد تنساه
تسلم ايدك يا فلور

مظبوط كلامك يا مستر ليمو

هوا ده اللى انا بقوله بردوا

وميرسى ليك على المرور الجامد ده

اقتباس :: الماضى المقصود هنا .. يبقى الحبيب الاولانى

كده انا فهمت وجهة نظرك

و نعتزر لسوء الفهم

و بعدين يا لـّـّـّـّـّـّـّـّـّـيـّـّـّـّـّـّـّـّمـّـّـّـّـّـّـّـو انا طبعا فاهم قصدك

بس اسالك ايه الثقافة اللى جت عليك مرة واحدة؟

ولا ناوى تشتغل طبيب نفسييييييييييييييييييييييييييييييييي

ههههههههههههههههههههههههه
يا ابنى انت ناسى انى جبت الفول مارك ف علم النفس ف الثانويه العامه
مع انى والله لحد ليله الامتحان ماكنتش فاهم فيه حاجه
ربنا يخليهولنا مجدى النشار

ميرسى ليكوا يا شباب على المتابعه

وعلى فكره المدرسين دول هما اللى المفروض ياخدوا الدرجات اللى احنا بنجبها

لانهم ليهم الفضل الاكبر علينا .. ربنا يخليهملنا فعلا

تسمحولى اقف هنا واقفة مع احترامى لكل الاراء واحترامى للموضوع الفائق الاحترام دة لية كان فى مقولة بتقول لية ديما بنتعسر فى المشى فى الطوب الى تحت رجلينا لية منجمعوش ونعمل منة سلم نصعد بية للنجاح دلوقتى لية ديما بنقول على الحبيب الاولانى او اى حب ميحصلش فى نصيب نسمية ديما انة غدر ووخيانة والخ لية ميكنش درس بنتعلمة من الدنيا ولية يالـّـّـّـّـّـّـّـّـّـيـّـّـّـّـّـّـّـّمـّـّـّـّـّـّـّـو بتحاول تنسى لية متوجهش مضيك وتطلع منة بدروس تخدها مبادء ليك فى المستقبل ولية ممتعلمش من اخطاءك او اخطاء الظروف م ش عيب اننا ننجرح بس العيب اننا ننسى ونكرر جرحنا الانسان الى بلا زكريات فانا بعتبرة لسة متولدش الماضى هوة الحياة هوة المستقبل هوة كل حاجة فى حياتنا وتحياتى ليكم اخوكم الجرررييييييييييييح ليتنى استطيع نسيان الماضى Aljare29

يا مصطفى رأيك حلو
بس انا لو فكرت ف 3 ارتباطات فاشلين قبل كده
من غير تريقه
مش هفكر انى ارتبط تانى
لان ده هيبقى اشد درس
فهمت؟

ميرسى ليكوا يا شباب على الردود الجامده ديه

بس انا ليا تعليق على كلامكم

احنا فعلا لازم ناخد دروس من التجارب اللى فاتت علشان مش نكرر نفس سبب الجرح
لكن ده مش معناه اننا مش ندخل فى تجارب تانيه
احنا اللى نقدر نعمله اننا مش نكرر نفس الغلط اللى عملناه
بمعنى اننا مش نسيب بعض لنفس السبب فى كل تجربه

ياريت تكونوا فاهمنى

وميرسى ليكوا مره تانيه