dody
مشرف أقسام ألصور
عدد الرسائل : 478
العمر : 34
العمل/الترفيه : عايش
المزاج : مقلوب
تاريخ التسجيل : 19/12/2007
 |  موضوع: اجمل ما كتب الساخر احمد فؤاد نجم...3-هما مين و احنا مين  الثلاثاء يوليو 08, 2008 1:14 am | |
| هما مين و إحنا مين ...
هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟
***
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟
***
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟
***
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟
***
هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة بالميازين
حزر .. فزر شغل مخك
شوف مين فينا بيخدع مين ..؟؟
***
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامب جميلة
هما فصيلة و إحنا فصيلة
***
حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين
| |
|
pEpSi
ADMIN YA 3AM
عدد الرسائل : 1987
العمر : 34
العمل/الترفيه : تاجر ممنوعات
المزاج : عالى
رقم ألعضويه : 2
تاريخ التسجيل : 02/12/2007
| | موضوع: رد: اجمل ما كتب الساخر احمد فؤاد نجم...3-هما مين و احنا مين الثلاثاء يوليو 08, 2008 11:12 am | |
| حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين
والله جامده جدا
شكرا يا فادى ع النقل | |
|
ليدي الشقيه
مشرفه قسم البنات
عدد الرسائل : 1637
العمر : 30
العمل/الترفيه : بخربش القطه
المزاج : تحت الصفر
تاريخ التسجيل : 16/12/2007
| | موضوع: رد: اجمل ما كتب الساخر احمد فؤاد نجم...3-هما مين و احنا مين الخميس يوليو 10, 2008 4:43 pm | |
| تسلم ايدك يا فادي قصيده جميله اووووووي
تقبل مروري
تحياااااتي | |
|
